پہلا ون ڈے: نیوزی لینڈ کی پاکستان کے خلاف 73 رنز سے شاندار فتح

نیپیئر میں کھیلے گئے تین میچز پر مشتمل ون ڈے سیریز کے پہلے مقابلے میں نیوزی لینڈ نے پاکستان کو 73 رنز سے شکست دے دی۔

نیوزی لینڈ کی بیٹنگ

میزبان ٹیم نے پہلے بیٹنگ کرتے ہوئے 50 اوورز میں 9 وکٹوں کے نقصان پر 344 رنز بنائے۔
مارک چیپمین 132 رنز کی شاندار اننگز کھیل کر نمایاں رہے، جبکہ ڈیرل مچل نے 76 رنز بنائے۔
اس کے علاوہ ڈیبیو کرنے والے محمد عباس نے 26 گیندوں پر 52 رنز کی برق رفتار اننگز کھیلی، جس میں 3 چھکے اور 3 چوکے شامل تھے۔

پاکستان کی جانب سے عرفان خان نے 3 وکٹیں حاصل کیں، جبکہ حارث رؤف اور عاکف جاوید نے 2،2 وکٹیں حاصل کیں۔ نسیم شاہ اور محمد علی نے بھی ایک ایک کھلاڑی کو آؤٹ کیا۔

پاکستان کی بیٹنگ

345 رنز کے ہدف کے تعاقب میں پاکستانی اوپنرز عبد اللہ شفیق اور عثمان خان میدان میں آئے، مگر بڑی شراکت قائم نہ کر سکے۔
✔ عثمان خان 39 اور عبد اللہ شفیق 36 رنز بنا کر آؤٹ ہوگئے۔
✔ کپتان محمد رضوان 30 رنز بنا کر پویلین لوٹ گئے۔

یہ بھی پڑھیں : نیوزی لینڈ نے دوسرے ٹی ٹوئنٹی میں بھی پاکستان کو شکست دے دی، 2-0 کی برتری حاصل کرلی

بابر اعظم نے مزاحمت کی اور 83 گیندوں پر 78 رنز کی اننگز کھیلی، مگر ان کے آؤٹ ہونے کے بعد قومی ٹیم بکھر گئی۔
✔ طیب طاہر 1، عرفان خان صفر، نسیم شاہ صفر، حارث رؤف 1، عاکف جاوید 1 اور محمد علی صفر پر آؤٹ ہوگئے۔
✔ پاکستان 44.1 اوورز میں 271 رنز بنا کر آل آؤٹ ہو گیا۔

نیوزی لینڈ کی کامیابی

نیوزی لینڈ کے لیے ڈیرل مچل اور مارک چیپمین کی شاندار 199 رنز کی شراکت داری نے میچ کا پانسہ پلٹ دیا۔
✔ مارک چیپمین نے 132 رنز میں 13 چوکے اور 6 چھکے لگائے۔
✔ ڈیرل مچل 76 رنز بنا کر آؤٹ ہوئے۔

یاد رہے کہ نیوزی لینڈ نے حالیہ 5 میچز کی ٹی ٹوئنٹی سیریز میں بھی پاکستان کو 1-4 سے شکست دی تھی۔
مزید برآں، پہلے ون ڈے میں پاکستان کی جانب سے عاکف جاوید، محمد علی اور عثمان خان نے ڈیبیو کیا۔