پاکستان کا بھارت کو اشتعال انگیز بیانات پر شدید ردعمل

پاکستان نے بھارتی قیادت کے حالیہ اشتعال انگیز اور غیر ذمہ دارانہ بیانات کو سختی سے مسترد کرتے ہوئے انہیں علاقائی امن کے لیے خطرناک رویہ قرار دیا ہے۔

ترجمان دفتر خارجہ کا کہنا تھا کہ:

"بھارتی قیادت کی جانب سے پاکستان پر الزام تراشی درحقیقت حقائق کو مسخ کرنے کی کوشش ہے۔ بھارت کی پاکستان میں دہشت گردی کی پشت پناہی کے ٹھوس شواہد موجود ہیں۔”

ترجمان نے مزید کہا:

• بھارت کی توہین آمیز زبان اور غلط بیانی، جنوبی ایشیاء میں کشیدگی کو ہوا دے رہی ہے۔

• جموں و کشمیر کا تنازع اب بھی خطے کے پائیدار امن کی راہ میں سب سے بڑی رکاوٹ ہے۔

• پاکستان مسئلہ کشمیر کو اقوام متحدہ کی قراردادوں اور کشمیری عوام کی امنگوں کے مطابق حل کرنا چاہتا ہے۔

دفتر خارجہ نے واضح کیا:

"ہم پرامن ہمسائیگی کے خواہاں ہیں، لیکن اگر ضرورت پڑی تو اپنی خودمختاری کا دفاع ہر صورت کریں گے۔"

ترجمان نے زور دیا کہ بھارت دھمکیوں، جنگی جنون اور جھوٹے بیانیوں کے ذریعے اپنے عزائم حاصل نہیں کر سکتا۔
جنوبی ایشیاء میں امن کے لیے سنجیدہ مکالمہ، برداشت اور مسئلے کی اصل جڑ کو سمجھنے کی ضرورت ہے۔