عدالت کا بانی پی ٹی آئی کو کتابیں فراہم کرنے اور بیٹوں سے بات کرانے کا حکم

راولپنڈی: انسداد دہشت گردی عدالت نے بانی پی ٹی آئی عمران خان کو کتابیں فراہم کرنے اور ان کے بچوں سے بات کرانے کا حکم دے دیا۔

تفصیلات:

راولپنڈی کی انسداد دہشت گردی عدالت میں بانی پی ٹی آئی عمران خان کو کتابوں کی عدم فراہمی اور بچوں سے بات نہ کرانے سے متعلق درخواستوں پر سماعت ہوئی۔

عدالت نے دونوں درخواستیں منظور کرتے ہوئے جیل حکام کو ہدایت دی کہ عمران خان کو فوری طور پر کتابیں فراہم کی جائیں اور ان کی عید سے قبل اپنے بچوں سے بات کرائی جائے۔

یہ بھی پڑھیں: پی ٹی آئی کے تین بڑے سوشل میڈیا اکاؤنٹس کا تعلق عمران خان سے نکلا

عدالتی احکامات:

🔹 عمران خان کو جلد از جلد مطلوبہ کتابیں فراہم کی جائیں۔
🔹 عید سے پہلے بچوں سے ٹیلیفونک بات چیت کا انتظام کیا جائے۔
🔹 عید مذہبی تہوار ہے، اس موقع پر بچوں سے گفتگو بنیادی حق ہے۔

عدالتی حکم پر جیل حکام کو فوری عملدرآمد یقینی بنانے کی ہدایت کر دی گئی ہے۔