دو سگے بھائیوں کی ایک ہی خاتون سے انوکھی شادی،ماجرا کیا ہے؟

شیلائی، ہماچل پردیش :بھارت کی ریاست ہماچل پردیش کے ضلع سرمور کے گاؤں شیلائی میں ایک انوکھی شادی نے سب کی توجہ حاصل کر لی، جہاں ایک خاتون سنیتا چوہان نے دو سگے بھائیوں، پردیپ اور کپل نیگی سے بیک وقت شادی کر لی۔

یہ شادی کسی اتفاقی عمل کا نتیجہ نہیں بلکہ ہٹی قبیلے کی ایک قدیم اور ثقافتی رسم کا حصہ ہے، جسے مقامی طور پر "جوڈیدرا” کہا جاتا ہے۔ یہ رسم آج بھی ہماچل کے مخصوص علاقوں میں رائج ہے، جہاں ایک خاتون ایک ہی خاندان کے دو یا اس سے زیادہ بھائیوں سے شادی کرتی ہے۔

شادی کی تقریب اور قبائلی روایت:

یہ انوکھی شادی 12 جولائی سے شروع ہونے والے تین روزہ جشن کا حصہ تھی، جس میں مقامی موسیقی، رقص اور روایتی کھانوں کے ساتھ سیکڑوں مہمان شریک ہوئے۔ تقریب نہایت خوشی خوشی اور مکمل سماجی قبولیت کے ساتھ منعقد ہوئی۔

بھارت: مذہبی ادارے کے ملازم کا 100 لاشیں دفن کرنے کا لرزہ خیز انکشاف

قانونی اور ثقافتی پس منظر:

ہٹی قبیلہ، جسے حال ہی میں شیڈولڈ ٹرائب کا درجہ دیا گیا ہے، ہماچل پردیش اور اتراکھنڈ کی سرحد کے ساتھ واقع ٹرانس گیری علاقے میں آباد ہے۔ ان کے رواج اور رسم و رواج ریاستی حکومت کے تسلیم شدہ قوانین کے تحت تحفظ یافتہ ہیں۔

رپورٹس کے مطابق، گزشتہ 6 برسوں کے دوران بدھانا گاؤں میں اسی نوعیت کی پانچ شادیاں ہو چکی ہیں، جو اس روایت کی مسلسل موجودگی کا ثبوت ہیں۔