نواز شریف کی 15 سال بعد چوہدری شجاعت سے ملاقات، دونوں جماعتوں میں سیٹ ایڈجسٹمنٹ پر اتفاق

لاہور: مسلم لیگ (ن) کے قائد نواز شریف اور (ق) لیگ کے سربراہ چوہدری شجاعت حسین کے درمیان ملاقات ہوئی جس میں الیکشن کے لیے سیٹ ایڈجسٹمنٹ پر اتفاق کیا گیا ہے۔

سابق وزیراعظم نواز شریف 2009 میں چوہدری شجاعت کے گھر ان کی والدہ کے انتقال پر تعزیت کے لیے گئے تھے۔

نواز شریف بدھ کو تقریباً 15 سال بعد چوہدری شجاعت کی رہائش گاہ پہنچے جہاں دونوں رہنماؤں کے درمیان 40 منٹ تک ملاقات جاری رہی۔

سابق وزیراعظم نواز شریف کے ہمراہ شہباز شریف، مریم نواز، رانا ثناء اللہ، ایاز صادق اور اعظم نذیر تارڑ بھی موجود تھے جب کہ چوہدری شجاعت حسین، چوہدری سالک حسین، چوہدری شفیع حسین، چوہدری وجاہت اور طارق بشیر چیمہ نے بھی ملاقات کی۔

نواز شریف اور چوہدری شجاعت حسین کے درمیان ملاقات میں سیٹ ایڈجسٹمنٹ اور آئندہ انتخابات کے حوالے سے مشاورت کی گئی جب کہ چوہدری شجاعت نے مطالبہ کیا کہ جن سیٹوں سے ہمارے لوگ جیتے تھے وہ صرف  بلکہ گجرات، سیالکوٹ، منڈی بہاؤ الدین  اور حافظ آباد میں بھی ہمیں سیٹیں دی جائیں۔

ذرائع کا کہنا ہے کہ (ن) لیگ اور (ق) لیگ کے درمیان پنجاب اسمبلی کی 3 اور قومی اسمبلی کی 2 نشستوں پر مشاورت مکمل ہوگئی، (ن) لیگ طارق بشیر چیمہ کے مقابلے میں کوئی امیدوار کھڑا نہیں کرے گی۔

ذرائع کے مطابق چکوال سے سابق رکن قومی اسمبلی چوہدری سالک کی نشست پر بھی ایڈجسٹمنٹ کی گئی ہے جب کہ چوہدری شفیع گجرات سے الیکشن لڑیں گے تاہم حسین الٰہی کے صاحبزادے کی نشست پر کوئی مشاورت نہیں ہوئی۔ چوہدری وجاہت جو ملاقات میں موجود ہیں۔ دونوں فریقین نے اس پر بعد میں مشاورت کرنے پر اتفاق کیا ہے۔

ذرائع کا کہنا ہے کہ اجلاس میں فیصلہ کیا گیا کہ چوہدری شجاعت کی جانب سے صوبائی اسمبلی کی دیگر 2 نشستوں کے لیے دیے گئے نام کی تصدیق کی جائے گی۔

ذرائع کا کہنا ہے کہ اگر چوہدری سالک قومی اسمبلی کا الیکشن لڑتے ہیں تو ان کے ماتحت (ن) لیگ کی جانب سے دو صوبائی اسمبلی کے امیدوار ہوں گے جب کہ طارق بشیر چیمہ کی قیادت میں دو صوبائی اسمبلیوں کے لیے (ن) لیگ کے امیدوار بھی ہوں گے۔

نواز شریف اور چوہدری شجاعت کے درمیان ملاقات کے بعد (ن) لیگ کا وفد میڈیا سے بات کیے بغیر چلا گیا جب کہ (ق) لیگ کی جانب سے بھی کسی نے میڈیا سے بات نہیں کی۔