وفاقی کابینہ کا اجلاس جاری، ججز کے خط کے معاملے پر کمیشن کی منظوری کا امکان

وفاقی کابینہ کا اجلاس وزیر اعظم شہباز شریف کی زیر صدارت جاری ہے جس میں 5 نکاتی ایجنڈے پر غور کیا جائے گا۔

آج لاہور میں وفاقی کابینہ کا اجلاس زوم پر ہو رہا ہے جس میں بیشتر وزراء آن لائن شرکت کر رہے ہیں۔

وفاقی کابینہ کے اجلاس میں اسلام آباد ہائی کورٹ کے ججز کے خط کا معاملہ زیر غور آئے گا، الزامات کی انکوائری کے لیے کمیشن کے قیام کی منظوری دی جائے گی۔

اس کے علاوہ وفاقی کابینہ کے اجلاس میں مالی سال 2023-24 کی وسط مدتی بجٹ رپورٹ کا جائزہ لیا جائے گا،مالی سال 2021-22 کے مشترکہ وفاقی، صوبائی اور ضلعی مالیاتی گوشوارے بھی پیش کئےجائیں گے۔

پیپرا کی سالانہ رپورٹس کا بھی اجلاس میں جائزہ لیا جائیگا اور رومانیہ کے ساتھ مختلف شعبوں میں تعاون کے پروگرام پر دستخط بھی ایجنڈے کا حصہ ہیں۔

اس سے قبل وفاقی کابینہ کا اجلاس وزیراعظم کے مصروف شیڈول کے باعث دو بار ملتوی کیا گیا۔

تمام محکموں کے لیے اہداف مقرر کریں۔
دوسری جانب ذرائع کا کہنا ہے کہ کابینہ اجلاس میں وزیراعظم شہباز شریف مختلف وزارتوں اور ڈویژنوں کو اہم اہداف تفویض کریں گے، تمام وزارتوں اور ڈویژنوں کے لیے مختصر، درمیانی اور طویل مدتی اہداف مقرر کیے گئے ہیں، قلیل مدتی اہداف 100 دن درمیانی مدت کے 6 ماہ اور طویل مدتی اہداف 5 سال پر مبنی ہوں گے۔

ذرائع کے مطابق وزیراعظم وزارتوں اور ڈویژنوں کو تفویض کردہ اہداف پر بریفنگ اور رپورٹس کا جائزہ لیں گے، اہداف کی بنیاد پر تیار کردہ دستاویزات تمام وزارتوں اور ڈویژنوں کو بھجوا دی گئی ہیں، اہداف کے حصول کا ٹائم فریم دے دیا گیا ہے۔ دستاویزات میں دیا گیا ہے۔